قصه خفيفه ظريفه,,تعالوا اضحكوا

السلام عليكم,,
كيفكم يا حلوين..؟؟
ان شاء الله كلكم طيبين..
المهم انا عندي لكم قصه حلوه ,, ستو كانت تحكينا هيا انا وأخواتي واحنا صغار ,,
أيام ما كانوا الأطفال يسمعوا القصه وبنصها يناموا ,, لكن دحين الحمدلله ,, ننام واحنا نحكي والطفل اللي معانا صاحي..ههههههههههه
المهم يا حلوين,,,كتابة القصه راح يتخللها اغلاط املائيه
((عشان بكتبها باللهجه الحجازيه واهيأ لكم الجو كأنكم جالسين قدام ستو))

باسم الله نبدأ,,,


كان ياما كان,,كانت في عيله كل أفرادها سمعهم تقيل , الأم والأبو والبنت وجدتها والجاريه .
واحد يوم نزل الأبو السوق وفتح دكانه وبعد شويه عدى عليه صاحب الدكان وقاله : صباح الأنوار.
قال الأبو وهو مره غضبان : أعوذ بالله , إنت كل ماتعدي بدل ماتقول صباح الخير تقول هات الإيجار؟؟ ماعندك هرجه غير الفلوس؟؟ هيا .. بطلت لك في الدكان.
وقفل الدكان وطلع البيت زعلان ويبربر ويعيد في الكلام : صاحب الدكان هلكني .. ماله سيره إلا هات الإيجار .. هو مهموم ويرمي همومه علينا.

سمعته مراته وهللت وقالت : المدينه؟ راح نروح المدينه؟ ألف صلاه عليك يانبي .. أخيرآ دعانا رسول الله .. وصارت تمشي في البيت تغطرف وتهلل وتقول : الحمدلله على هادا النهار .. خليني أحضر ملابسي .. بركه ,, حتى الدنيا بارده ورطوبه.

سمعتها بنتها وقالت : خطوبه؟ بالله يا أمي اتخطبت؟ ألف مبروك علينا .. أخيرآ جاني عريس .. وجريت على جدتها وهي بتغطرف وتقول : شفتي يا ستي الهنا اللي ربي وعدني بيه؟ أنا راح اتجوز ويصير عندي بيت وعيال.

رفعت الجده راسها وهي منزعجه وقالت : ريال؟ تحسديني على الريال اللي لابسته فصدري ؟ وي يابنت ولدي!!
إنت عندك زيه اتنين وأنا طول عمري لابسته .. دحين عينك ضاقت منه ! وي يا حسره ..!
قال ما أعز من الولد إلا ولد الولد..

نطت الجاريه من مكانها من كتر الفرحه وقالت : العبد ؟ صحيح راح تجوزوني العبد ؟
الحمدلله .. هادا يوم السعد .. هادا صحيح يوم السعد ..
وتوته توته ,, خلصت الحدوته ,, حلوه ولا منتوته؟؟



إن شاء الله تعجبكم القصه..
((وللأمانه انا نقلت اسلوب القصه من كتاب,,بس نفس القصه اللي ستو تحكينا هي))

هههههههههههههههههه
خخخخخخخخخخ
كركركركركر
هعهعهخعهع

<<<<<<---------انوااع الضحك


مشكوووووووووووووووووووووره

ربي يصلمكم


مروركم نو رالصفحه

ههههههههههههههههههههههه


مشكوووووووووورة

ههههههههههههههههههههههههههه
يسلمو قلبي

ههههههههههههههههه

حلوه مررررررررررره تسلمي