مواقف حصلت لي

السلام عليكم ورحمة الله وبركاته

في هالصفحه انا كاتبه لكم مواقف حصلت لي

واتمنى تعجبكم وتردون عليها

الموقف الاول
____________________

في يوم من الايام المشمسه الحاره البارده <<النشره الجويه

كنت انا واختي الي اصغر مني بالحوش نلعب

وهي قاعده تفحط بي بالعربيه وانا مستااانسه وشوشتي وراي تطاير

وبعد دقايق من الفرح والمرح وفجة الخشه

وقفتني اختي عند الباب وحطت رجلها

وانا ماادري وش السالفه

واذا بالباب ينفتح ويدخل اخي المحترم ويخلي الباب كله مفتوح

وكان موقف سيارته عند الباب وفيها اخوياه

اخوي ماانتبه انه فاتح الباب كله

قعد يناظر ملكة الجمال الي قدامه

طبعا كان شكلي ذاك اليوم مره كول رهيييييييييييييييييييييب

الشوشه طايره ولابسه قميص

اما انا ماانتبهت له عيوني على السياره والي فيها<<خاقه

اقولكم عاد كان فيه اثنين بالسياره التفت واحد منهم

وانط ذيك النطه الي بغيت اروح معه لامريكا

وارفع قميصي واحط رجلي دخلت جوا البيت

واخوي كان جايب اغراض وحطهم كلهم بالعربيه وطلع مع اخوياه

مار اطلع مره ثانيه للحوش ابي اكمل لعبي<<ماطلع قلبه

واروح للعربييه والقاها صارت جبل

واعصب يوم جيت بالعب به حط الاغراض فيها اف

مار اتذكر اختي الي متخبيه ورا الجدار

مار تجيني فكره جهنميه

واسرع نحوها وامصع اذنها واخليها تدف العربيه وتدخل الي فيها

لما انتهت من الاغراض طلعت لي ثانيه

واقولها استانسي بفحط بس

مار تنفتح خشته اربع امتارمن الوناسه

وتركب العربيه

وابدا افحط به واهبل به وجاءت اللحظه الحاسمه

دردب اصبخ بها بالجدار باقوى ماعندي الجدار بغى ينكسر ورقبتها بغت تطير

وقعدت تصيح واستانس

واقوله احسن تستاهلين هذا الي يخلين عند الباب

يشوفوني اصدقاء الوسيم

جاز لك الحين بيخطبوني انا وشويشتي الي تهبل

الحين الي بيشوفك يحسبك انتي الي تتغطين مو انا

والله البنت تصيييح وانا ماقدرت اتمالك نفسي

بالاول خطتي اني اكون معصبه والحين خربت وقعدت اضحك

وعقب ذاك اليوم حلفت اختي ماتدفني ولا ادفها<<معذوره

_______________________________

الموقف الثاني

يوم من الايام بغينا نروح لجدتي

واخوي كان جايب خويه معه بالسياره ولا قال لنا او بالاحرى ماقال لي

طلعت انا وجيت بركب بالسياره ومسكت المرتبه الي قاعد فيها الولد

مار احس بشي غريب هذي مو عباية امي حشا وش ذا

عاد ركبت ولا فكرت انه ممكن ماتكون امي الي جالسه قدام

لما جيت بكلم امي باذنها وانا توي راكبه

مار اشوف صديق الاخ المحترم بوجهي

قعدت اصارخ فوجهه<<يممممممممممممممممممممممه

الولد انهبل وش هذا

واخوي ماسك ضحكته الي بغت تنفجر

وانقز ورا من الفشيله وكان معاي جلال بغيت اتغطى فيه بعد زياده على البرقع

ومشى اخوي بعد ماركبت العائله كلها

وتجيكم اختي الصغير زادت الطين بله

وش سوت؟الحين اقولكم

كانت هي ورا وقاعده تسولف الاخت منسجمه بالسواليف وتقول

يمه ثديق ياثر يوحش به حبة خال كبيره ((يمه صديق ياسر........))

الولد مات فيها احراااااج

واختي الي بجنبي مايته من الضحك وبصوت عالي

عاد وصلنا لبيت الجده والولد خلاص ارتاح

عقب الاحراجات الي جته حرم يجي معنا مره ثانيه

وانتهت المواقف

واتمنى انكم تكتبون المواقف الي تصير لكم في هذي الصفحه

والى اللقاء في مو ضوعات اخرى

اختكم المحبه

قمــ ي ــر

يلعن أبو المواقف صراحة إحرااااااااااااااااج


مشكوووووووووورة وماقصرتي عالموضوع

مشكوره حبوبتي بنوته على مرورك

الرائع

مواقفك روعه بس ياهي محرجه
ما اتخيل شكلي كذا
مشكوره عليها
تقبلي مروري

هههههههههههه قسم بالله مواقفك ام الاحراااااااااااااااااااج بس انا سار لي كثييييييير مواقف محرجة
ما اذكرها الحيييييين

ياااااااي مررررررره محرجه


الحمدلله انه ماصارلي الي صارلك